Womusu 19:8-12

⁸Yinni Gusunɔn ɡɑri yi yibɑ. Yi rɑ tɔnu wɑ̃ɑru kɑ dɑm wɛ̃. Yinni Gusunɔn nɔɔn ɡɑri yi nɑɑnɛ mɔ. Yi rɑ yɛ̃ru sɑriruɡii bwisi kɛ̃.

⁹Yinni Gusunɔn ɡere yɑ dɛnde. Yɑ rɑ tɔnu nuku dobu wɛ̃. Yinni Gusunɔn sɔ̃ɔsiru tɑ dɛɛre. Tɑ rɑ tɔnu yɑm wɑɑsie.

¹⁰Yinni Gusunɔn sɑ̃ɑru tɑ sɑ̃ɑ ɡem. Tɑ ko n wɑ̃ɑwɑ sere kɑ bɑɑdommɑɔ. Ye Yinni Gusunɔ u yi, yɑ sɑ̃ɑwɑ dee dee, yɑ rɑ tɔmbu kpuro siriwɑ.

¹¹Domi win ɡɑri yi wurɑ ɡeɑ kere. Win ɡere yɑ tim ɡɔm dobu kere.

¹²Nɑ̀ n win ɡɑri yi swĩi, yi rɑ mɑn kirɔ ko. Nɑ̀ n win woodɑbɑ mɛm nɔɔwɑ, nɑ rɑ yen ɑrufɑɑni wɑ.