Womusu 16:3-7

³Be bɑ nun mɛm nɔɔwɑmmɛ tem mɛ sɔɔ, berɑ bɑ bɛɛrɛ mɔ. Be sɔɔrɑ nɛn kĩru kpuro wɑ̃ɑ.

⁴Adɑmɑ be bɑ bũnu sɑ̃ɑmɔ, bɑ tii nuku sɑnkirɑnu sosiɑmmɛwɑ. Nɑ ǹ kɑ bu bũu yɑ̃kunu mɔ̀. Nɑ ǹ bũu nin yĩsiru sokumɔ.

⁵Yinni Gusunɔ, wunɑ ɑ rɑ mɑn wɛ̃ yèn bukɑtɑ nɑ mɔ. Wunɑ ɑ mɑɑ yɛ̃ ye n koo mɑn deemɑ.

⁶Wunɑ kɑɑ mɑn tubi ɡeɑ wɛ̃. Kɑ ɡem nɑ nuku dobu mɔ.

⁷Yinni Gusunɔ, wunɑ nɑ siɑrɑmɔ yèn sɔ̃ ɑ rɑ mɑn bwisi kɛ̃. Wunɑ nɑ siɑrɑmɔ yèn sɔ̃ ɑ rɑ mɑn kirɔ ko bɑɑ kɑ wɔ̃kurɔ.