Womusu 135:5-13

⁵Nɑ yɛ̃ mɑ u kpɑ̃, mɛyɑ wi, bɛsɛn Yinni u bũnu kpuro kere.

⁶Ye u kĩ, yerɑ u rɑ ko wɔllɔ kɑ temɔ kɑ nim wɔ̃kuɔ kɑ ɡen sɔɔwɔ.

⁷U rɑ de ɡuru winu nu sɔ̃ɔsirɑ hɑnduniɑ kpuro sɔɔ. U rɑ de ɡuru mɑɑkinu nu koorɑ kpɑ u de ɡurɑ yu nɛ. Kpɑ u woo kusiɑmɑ ɡen wɑ̃ɑ yerun di.

⁸U Eɡibitiɡibun bii ɡbiikobu ɡo sere kɑ ben yɑɑ sɑbenun bii ɡbiikinɔ.

⁹U sɔm mɑɑmɑɑkiɡinu kuɑ Eɡibitiɔ u kɑ yen sinɑ boko kɑ win sɔm kowobu kpuro sɛɛyɑsiɑ.

¹⁰U bwese dɑbinu ɡo, mɑ u sinɑm dɑmɡibu ɡo.

¹¹Beyɑ, Sihoni Amɔrebɑn sunɔ kɑ Oɡu Bɑsɑnin sunɔ kɑ sere mɑɑ Kɑnɑnibɑn sinɑmbu kpuro.

¹²U sinɑm ben tem suɑ u win tɔmbu Isirelibɑ wɛ̃ bɑ tubi di.

¹³Yinni Gusunɔ, wunɛn yĩsiru tɑ ko n wɑ̃ɑwɑ sere kɑ bɑɑdommɑɔ. Bɑ ko n nun yɑɑyewɑ wɑɑti bɑɑyere sɔɔ.