Uyuhana 12:14-25

¹⁴Sa yeso ma kyem ku zanki ma nyineni, kasi sa anyetike agu.

¹⁵Kati ukuna biyau, uca anu sihiyona, ugomo uwe mano ma eze asesere aku zenki.

¹⁶Unu tuba ahana katuma kememe wa rusi imume ba, sa amare ninonzo ni yesu, wadu ringi imume sa anyetike abanga mameme i yenne awuza me ini.

¹⁷Ni ori me sa ma zina we uganiya sa ma titi li'zaru masuri anyimo icau, ma hirza me iwono, we wani wa bezizi agi ana.

¹⁸Ine ini ya wuna ni ori me na suri ukaba ume, barki sa wa kuna ma wuza timumum.

¹⁹Afarisiyawa a gusin na cece awe me, ya ira! ti darusan duru iri mambe irani une vat ura amaru ame ani.

²⁰Ade sa wa eh u idi uni nonzo a helenawa wa rani.

²¹Sa wa eh ahira a filibus, unu anu betsaida amyanga mu galili, wa iki me wa gu, “Una kura ti zin nuzo ti iri yeso.”

²²Sa filibus ma ha maka buka Andarawus, andarawus makuri maka aye nan filibus wa duku buki yeso.

²³Yeso makabirka we magu, uganiya wa aye sa adi nonozo vana unubu.

²⁴Ane ani in boo shi, ingi da abira be hoo bi alkama ba wono ba, bidi cukuno isi si bini. Ingi ba wono bidi nyozo ahana.

²⁵Unu so urai umeme madi diri uni, desa ma game urai umeme unee ugeme, mabarka uni uhana umara unee.