Ioanes 12:14-25

¹⁴Iok laol, Iesus hottaua tongki heueu ngana e pe are haka ia ke pomanga NeHalang nena alalaha hele ngana nenge hele ke teke,

¹⁵“Imo hehei pe hana nenge Ierusalem, a matau ero ol! Anau la, amo naungaala ana non kou are haka nga tongki tuna ke atat.”

¹⁶Ure nemur te lohotot pe Iesus nena hana mur leteria mallaha ero toto nga luria. Pe nga etue nenge NeHalang hemalmalia Iesus ke het ol, leteria metene sapele ke helenga nemur nenge te tetu nga NeHalang nena alalaha, helele ia Iesus nge te poia poinga nei lala nge i.

¹⁷Iok laol, hulua nemur nenge temes pe Iesus iu hote Lasarus nga polo pe hemaul heke mule i nga metenga, te hekerkereng ia hehei pe hana leteria nga ume nemur nenge Iesus popoia.

¹⁸Pe hulua tela ke tei ele i iange te longe i nge poia ure palaungana nei.

¹⁹Ol pe Paresio mur te hele tele hel nge iri ke te teke, “Ita nakura ero toto nge ta poia ute pele. Anau langa hulua lochloch te nanas ngana ia i ke.”

²⁰Iok, Krik mur hel te koko luluch ke tela nga ngaunga matana neu pule.

²¹Iri tela nge Pilipus pe te hele, “Non soke, mo teke monau Iesus.” Pe ne Pilipus nena nge Petsaita nga kileng nenge Kalelea.

²²Ol pe Pilipus heleia lange Antreas pe iri nai tela ke te heleia lange Iesus.

²³Pe Iesus hele, “Etue at lo nenge lape te hemalmal heke Non Tuna.

²⁴Pe e hele ke manmanna toto lange imo. Nenge teke uit nganangana elle losio hot ke langa ich pe punich ero lape tu ke elle ke pomam mana. Pe nenge teke punich lape matana hot ke haka pe hei ke nganangana halang toto.

²⁵Mele hel nenge leteria tu mana nge iri siporia, lape te mene maulinga ke koko ero. Pe mele hel nenge leteria tumana nge iri siporia ero, nga te tungaria nga ich nei, lape te mene maulinga ke koko.