Soũↄ 41:2-13

²Báaaden gbɛ̃́ pↄ́ ì yɛ̃̀ɛɛsaide yãda ũ, Dii ì aà bↄ taasikɛgↄↄ.

³Dii a aà dↄ̃́a, a aà gba wɛ̃ni, a báaadaaàgu aà bùsuu, a aà kpa aà ibɛɛↄwa aa ń pↄeã daɛ̀o.

⁴Dii a zɛaànↄ aà gyãkɛa guu, a to aà gyãpi ble.

⁵Ma mɛ̀: Dii, ma duunakɛ̀nɛ, ma wɛ̃nagwa, ní ma gbã́gbã.

⁶Ma ibɛɛↄ lɛ́ ga kpaaĩmanↄ aa mɛ̀: A ga bↄɛ ni? Bↄɛ aà tↄ́ a midɛi?

⁷Tó aa mↄ̀ ma gwai, yãyaaa aaì bↄlɛmɛɛ, aaì bao vãi wɛɛlɛ ma yã́ musu, ↄ̃ aaì fɛlɛ gɛ fãaa bàasi.

⁸Ma zangudeↄ ì vãikpaaĩmanↄ, aaì àsi bɛ̃̀ɛ dↄa aaì mɛ:

⁹Gagyã mɛ́ aà lè, a fɛlɛ a wúlɛkĩi beeu lↄo.

¹⁰Baa ma kpàasia pↄ́ má aà náai vĩ wi pↄble sãnu bↄ̀ ma kpɛ.

¹¹Mpi sↄ̃ Dii, ma wɛ̃nagwa, ma gbã́gbã, mí fĩabonɛ́.

¹²Tó ma ibɛɛↄ i kúkua dↄao, máↄ dↄ̃ sa kɛ́ ma yã́ kàngu.

¹³Ń ma kũa ma nↄ̀sɛmaa yã́i, n aɛ ìↄ dↄa gↄↄpii.