Yaburina 41:2-13

²Sɛwan na kanna xa naxan yengi dɔxi sɛnbɛtarene xɔn. Alatala na kanna xunbama tɔrɔ waxatine yi nɛn.

³Alatala a ratangama nɛn a a niin nakisi. A a barakama nɛn bɔxɔn ma. A mi a luyɛ a yaxune sɛnbɛn bun ma.

⁴Alatala a malima nɛn, furen na a li waxatin naxan yi, a a rakɛndɛya.

⁵N na a fala nɛn, n naxa, “Alatala, diɲa, i n nakɛndɛya, bayo n bata yulubin liga i ra.”

⁶N yaxune fala ɲaxine tima n ma, e naxa, “A faxama waxatin mundun yi, a xinla yi lɔ ayi?”

⁷Naxanye fama n xɔntɔndeni, ne fala faɲine nan tima n xa nafigiyani. Koni, a dɛntɛgɛ ɲaxini tɔnma n ma fe ra, a yi mini a ralideni yiren birin yi.

⁸Naxanye birin n naɲaxuxi, ne kɔyɛkɔyɛnma e bode xa n ma fe ra. E mirixi a ɲaxin nan ma n ma fe yi.

⁹E naxa, “Fure ɲaxin bata a suxu! A mi fa kelɛ a sadeni feu!”

¹⁰Hali n lanfa faɲina, n yi laxi naxan na, nxu nun naxan yi donseen donma nxu bode xɔn, na bata keli n xili ma.

¹¹Alatala, kininkinin n ma, i yi n nakeli sɔnɔn, nanara n na n yaxune donla saranɲɛ.

¹²N na a kolon fa fala n bata i kɛnɛn bayo e mi n nɔɛ.

¹³I n malima nɛn amasɔtɔ n tinxin. I yi n lu i yɛtagi habadan!