Soũↄ 18:1-11

¹Lɛ pↄ́ Dii zↄ̀blena Davidi sìɛ̀ gↄↄ pↄ́ à aà bↄ̀ Saulu ń aà ibɛɛ kĩniↄ ↄzĩ.

²Má yenzi Dii, ḿmɛ ń ma gbãa ũ.

³Lua mɛ́ ma gbɛsi ũ, mi naaàzi, ma Lua mɛ́ ma zɛgikĩi ũ, ì ma misi. A dɛ ma sɛ̀ngbao ũ, má aà náai vĩ, a dɛ ma suaban gbãa ũ, ì ma dↄ̃́a.

⁴Dii kà wà aà sáaukpa. Mi lɛzuaàzi, ì ma bↄ ma ibɛɛↄ ↄzĩ.

⁵Gó kpàlɛmanↄ, kaalɛ swa lɛ́ ma ble.

⁶Mia baↄ galakpàmɛɛ, ga baikpàmɛɛ ma aɛ.

⁷Ma yeelɛa guu màa ma Dii sìsi, ma lɛzù ma Luazi, ↄ̃ à ma lↄↄ mà za a bɛ, ma wii kàwà, à gɛ̃̀ aà swã́u.

⁸Tↄↄlɛ lùalua à zĩ̀azĩa, gbɛ̀sĩsĩↄ dèedee ń zĩ́nau, aa lùalua kɛ́ aà pↄ pà yã́i.

⁹Súɛlɛ bↄ̀ aà níu, tɛ́ pↄ́ ì kṹmá bↄ̀ aà lɛ́u, a yↄ̃ↄ lɛ́ pipi aà aɛ.

¹⁰À gu kɛ̃̀aa musu à pìla, lou sìsi aà gbá zíɛ.

¹¹Àlɛ vua dia malaika gã̀sĩade kpɛ, àlɛ yàakpa ń ĩ́anao.