Sang'hano 28:24-30

²⁴Wanhu wayagwe wazitogola mbuli zake, ila wayagwe hawamtogole bule.

²⁵Viwalekile kuilumba wenyego, wasegela, Paulo viyamalile kulonga mbuli ino, “Loho Yang'alile kalonga goya kwa wahenga zenu kubitila mtula ndagu wa Mulungu Isaya!

²⁶Kalonga, ‘Genda ukawalongele wanhu wano, kuhulika mohulika, lakini hondamujuwe bule, kulola molola, lakini hondamone,

²⁷Kwavija mizoyo ya wanhu wano midala, wasita magwiti gao, wafing'hiliza meso gao. Maza wadahile kulola kwa meso gao, na kuhulika kwa magwiti gao, na kujuwa kwa mizoyo yao, wahanibwelele niye, na niye nahawahonyile.’ ”

²⁸Paulo kamambukiza kulonga, “Avo mujuwe kamba usenga wa Mulungu kuwakombola wanhu, ugaligwa kwa wanhu haweli Wayahudi na wao wohulika.

²⁹Paulo viyamambukize kulonga avo, Wayahudi wachola mzikae zao kuno woibamilila.”

³⁰Kwa kipindi cha miyaka mibili Paulo kakala mng'anda iyapangile, mumo kawagoneka wanhu wose wezile kumulamusa.