Boskopuman 28:24-30

²⁴Sonwan fu den bribi san Paulus taki, ma trawan fu den no ben wani bribi.

²⁵Di den no ben man feni densrefi, den opo gwe. Ma fosi den gwe Paulus taigi den taki: “A Santa Yeye ben abi leti di A meki a profeiti Yesaya taigi den afo fu unu taki:

²⁶Go na a pipel disi èn taigi den taki: Yere un o yere, ma un no o ferstan noti, èn luku un o luku, ma un no o si noti.

²⁷Bika a pipel disi trangayesi. Den no wani arki moro, èn den tapu den ai. Noso den bo si nanga den ai, den bo yere nanga den yesi, èn den bo ferstan nanga den ati tak' den mus drai den libi fu Mi kan dresi den.

²⁸Fu dat'ede mi wani fu un sabi disi: Gado seni a boskopu disi gi den sma di no de Dyu, tak' A wani ferlusu libisma. Den dati o arki.”

²⁹Di Paulus taki den sani dati, den Dyusma gwe, ma den ben e hari taki nanga makandra.

³⁰Paulus tan tu yari langa ini a oso di a ben yuru èn a opo en gi ala sma di ben wani kon na en.