Los Hechos 28:24-30

²⁴Amove osendu vahe vɨroya yuvɨreco, ambuae rumo ndovɨroyai eté yuvɨreco.

²⁵Opɨhañemoñetasa nomboyoyaise yuvɨreco, yuvɨnosepa pota. Ahese aipo ehi ahe ava upe: —Supi eté Isaías omombehu Espíritu remimombehu pe recocuer resendar pe ramoi upe aracahe aipo ehi:

²⁶“Eso nde mu pãhuve. Emombehu aipo ere: ‘Yepe pesendu tẽira mbahe viña, ndapesenducuai chira rumo. Iyavei pesepia tẽira mbahe viña, ndapemahecuai chira rumo sese’ ere chupe.

²⁷Esepia, co ava ipɨharãtá iteanga seroyaẽhɨsave. Ndoyemboapɨsaiño yuvɨreco. Iyavei osapɨ̃vɨi tuprɨño mbahe sui, ndosepia potai mbahe avɨye vahe yuvɨreco. Ndosenducua catui eté avei ñehesa supi eté vahe. Evocoiyase ndoyevɨ potai cheu güecocuer moingatu yuvɨreco” ehi Espíritu Santo remimombehu chupe aracahe —ehi—.

²⁸Sese tapeicua co pɨpe suive Tũpa omboyecua ucara oporopɨ̃sɨrosa ava ndahei vahe judío upe. Ahe niha oyapɨsacara imombehusa rese yuvɨreco —ehi chupe.

²⁹Aipo ihe pare, judío yuvɨnose iñehe rese oyeecopɨ-copɨ yuvɨraso.

³⁰Ipare Pablo opɨta ambuae ava rẽtave ñuvɨrío aravɨter rupi omboepɨ oque ãgua oico. Aheve nihapɨsɨi opacatu ava rese oyepɨri oyepotase yepi.