Hechos 28:24-30

²⁴Sekimej judiojtin okineltokakej tlan Pablo okinmilwij, pero oksekimej mach okineltokakej.

²⁵Iwan komo mach nochtin in judiojtin omotlaliayaj san se tlajtole, mejor opéj yawij de ompa. Pero antes de kisaskej nochtin, Pablo okinmilwij: ―In Espíritu Santo yompa tlan okilwij in profeta Isaías iwan satepan okinmilwij in ya wejkawitl toweyitajwan:

²⁶Xiwia iwan xikinmilwi in yonmej tlakaj: Namejwan maski antlakakiskej, pero mach ankimomakaskej kuenta. Maski kuale xitlachiakan pero mach itlaj ankitaskej.

²⁷Porke yonmej tlakaj wel yoltlakuawakej, iwan tzajtzaktok intlakakilis, iwan omixtzajtzakej. Para amo ma yektlachiakan ika inmixtololowan, iwan amo ma tlakakikan ika intlakakilis, iwan amo ma kimomakakan kuenta ipan inyolo, iwan amo ma moyolkuepakan, iwan ijkón amo nikinmakixtis.

²⁸Xikmatikan kiné namejwan anjudiojtin, de axan para tlayakapan Dios kinkawilis ma momakixtikan in tlakaj katlej mach judiojtin. Iwan yejwan ipan melajka kikakiliskej itlajtol.

²⁹Nijkuak in Pablo ijkón okijtoj, in judiojtin okiskej iwan oyajkej sa tekitl mokualanijtiwej entre yejwan.

³⁰Pablo omokaj ome xiwitl itech weyikan de Roma itech se kale kan okitlanejtoka. Ompa okinresibiroaya nochtin katlej okontlajpaloayaj.