Aposotolo Adi Hewau 28:24-30

²⁴Isi headi riba wa ie ribaei se ataiei, na headi hinage nige se atai‐lobai.

²⁵Isi nige nuadi esega na se laugorigori, Paulo riba esega i heriba‐bagunaedi, i ene, “Earua Tabuna ie riba mamohoi Isaia peroveta awana eai, tamadayao aridi eai, i ene:

²⁶‘U lau tatao ta; aridi eai, u ene, Abo au ataiei, mamohoi, na taba nige au atailobai, abo au ita, na taba nige au italobai.

²⁷Teina tatao ta nuadi se digabu, ataatai eai beadi se doodoo, isi matadi hinage se hegibudi; ata matadi eai se italobai, eo beadi eai se atailobai, eo se sinibuima arigu eai bena ea hemauridi.’

²⁸Omi arinai abo au ita, Eaubada ena mauri ta se hetamariyao Murimuri‐tataodi aridi eai; isi abo se ataiei.”

²⁹Wau riba wa i ribaedio, Iudea tataodi se pesagabaei, mahaihaiawayagaradi se laulau.

³⁰Na borimai labui maudoudoidi Paulo nei eai, ena numa iabom i hemaisa arinai ie mia; isi gamagaridi se laolaoma ia arinai, i abiabitaumanaidi,