Lii Lolo nèti Dhèu Pajuu-paleha 28:24-30

²⁴Ropa tadèngi rare lii padhai lii Paulus ne, abhu ka cahagꞌe dhu parcaya. Te ngaa abhu kahèi dhu parcaya boe.

²⁵Nèti èèna ka, rèngu pabꞌala èci dènge èci, toke cahagꞌe neo lèpa. Te ngaa Paulus peka, aku nèngu na, “Mema lii pasisu miu ne, lèke sama sèmi ngaa dhu uru èèna Roh Ama Lamatua dhu Mola-Mèci peka le dènge Yesaya,

²⁶peka na, ‘Lamu peka dènge dhèu seꞌe se, na, “Èèna na, miu nanene taruu lii Jaꞌa, te ngaa meꞌa boe ciki sa! Miu laladhe taruu ngaa dhu Jaꞌa tao, te ngaa miu pusi boe ciki sa.”

²⁷Lula dꞌara dhèu seꞌe se adhu sèmi hadhu. Dhilu rèngu dꞌèi heka nanene! Aa musi madha rèngu, bèdho mèno le! Hudꞌi rèngu sène, ra tadèngi ia ka; Aa hudꞌi laa, sèna ka musi madha ra ladhe rèdhi ia ka. Aa hudꞌi laa, sèna ka dꞌara ra adhu sèmi hadhu taruu. Toke dꞌai rèngu sèra reꞌa heka jꞌara ho lèpa mai asa Jaꞌa, De jꞌara tasamia ka Jaꞌa bisa tao pabeꞌa hari rèngu?’ ”

²⁸Hèia Paulus katange lii padhai lii na, aku nèngu na, “Sèmi neꞌe, aꞌari! Sèna ka miu se meꞌa, na, Ama Lamatua sadia tèke le mamuri hia dhèu Yahudi boe, lula rèngu dhu dꞌèi nanene Ne.”

²⁹Ropa Paulus padhai lii nare sèmi èèna, ka dhèu se lèpa ka. Te ngaa ngangee rèngu paꞌèci boe, lula ra pasisu èci dènge èci.

³⁰Paulus pea ka ètu èmu dhu na sebꞌa èèna, dꞌai dua tèu. Na sèmi dènge karejꞌe dhèu aaꞌi-aaꞌi dhu mai tenge paraga dènge ne.