Woo Bɛ Ŋɑ 28:24-30

²⁴Ŋɔi inɛ ɡɔ ŋɑ ɑ̀ jɛ ideu, ɑmmɑ inɛ ɡɔ ŋɑ ɑ kù jɛsi.

²⁵Si bɛi ɑ kù ɡbɔsi njɛ, ŋɔi ɑ̀ fitɑ hɑi bi Pɔlu. Wɑɑti iyi ɑ̀ wɑɑ bi ɑ nɛ ŋɔi Pɔlu í fɔ ide ɡɔ í ni, hɑi tɑko Hundei Ilɑɑɔ̃ í nɛ ntɔ wɑɑti iyi í jɔ̀ wɑlii Ezɑi í sɔ̃ bɑlɑ nŋɛ ŋɑ ide ɡɔ.

²⁶Í ni, Bɔ bi inɛ ŋɑu bɛ i sɔ̃ ŋɑ i ni, Aɑ yɑ de itĩ do lɑɑkɑi ŋɑ ɑmmɑ i kɑɑ ɡbɔ yɑɑsei ide kɑ̃mɑ ŋɑ. Aɑ yɑ cɔ ilu ŋɑ jiidɑ jiidɑ ɑmmɑ i kɑɑ yɛ ŋɑ.

²⁷Ntɔ ntɔ, idɔi inɛ ŋɑu kù nɛ biti. À dĩ itĩ nŋɑ Ku bɑ ɑ mɑɑ̀ ɡbɔ ide. Nɔ ɑ̀ bii iju nŋɑ Ku bɑ ɑ mɑɑ̀ yɛ ilu. Bɛɛbɛi ɑ̀ ce ku bɑ idɔ nŋɑ ku mɑɑ̀ mɑ̀ nɡɔɡɔ Nɔ ɑ mɑɑ̀ nɑ ɑ sindɑ wɑ bi tom n jɔ̀ ɑ bɑ iri.

²⁸Ŋɔi Pɔlu í sɔ̃ ŋɑ mɑ́ í ni, nɑ nŋu, i mɑ̀ ŋɑ iyi Ilɑɑɔ̃ í jɔ̀ idei fɑɑbɑɛ í bɔ bi dimi mmu ŋɑ. Aŋɑi ɑɑ ɡbɔɔ.

²⁹Iyi Pɔlu í fɔ ideu bɛɛbɛ í tɑ̃ ŋɔi Zuifu ŋɑu ɑ̀ dede ɑ̀ wɑɑ ce kɑkɔɔ ntɔ ntɔ ɑ̀ wɑɑ nɛò.

³⁰Adɔ̃ minjii Pɔlu í ce si ile iyi í hɑyɑu. Nɔ inɛ ŋɑ iyi ɑ̀ bɔ ku cɔɔ fei í bɑ ŋɑ fɑɑji ku ce do inɔ didɔ̃.