17Ornu gud lagy Jesuuz coz nu mnii dey, orzeꞌ nam rab mi dey: ―¿Lagu rnii der nu wancyiid nu der gyishtily, ndeꞌ nu ni mne̱e̱? ¿Walab gaal wagyet lag der cuen? ¿Walab gaal noow na shcab ni der?
18Zub urlo der, ¿walab gaal wacsac der? Nunu zub gyidag der ¿walab gaal wagyeñ der? Nunu ¿walab gaal wagyezaꞌ lagy der?
19Ornu blewa̱ gyishtily nu bdow gaay miily mbecy, ¿la be la chicyiw gyishtily nu brusub pteꞌ der? ―nam.
20Orzeꞌ na dey: ―Trocyup ―nay. Orzeꞌ nam: ―Zeꞌ ornu blewa̱ gyishtily nu bdow tap miily mbecy, ¿la be chicyiw gyishtily nu brusub pteꞌ der? ―nam. Orzeꞌ na dey: ―Gagy ―nay.
21Gazeꞌ nu nam rab mi dey: ―¿A walab gaal gabee wagyet lag ruꞌ der cuen? ―nam.
22Gazeꞌ nu bruꞌñam Betsaida. Zeꞌ bruꞌña nu dey tub mbecy lo caꞌ lom. Mnishbaa dey lom nu gal yaam yu.
23Orzeꞌ bduꞌ yaam yaa mbecy lo caꞌ zeꞌ. Gua num yu par ruꞌ gyedz. Orzeꞌ pcoom nis yeñ mi urloy nunu gul yaam yu. Gazeꞌ nu bdugyiꞌm loy ben a rzac yu mas ñuu ga.
San Marcos 8
San Marcos 8:17-23