Markus 8:17-23

¹⁷Ammi ta nepakarikna ni Hesus ta bida da a “Anu kuga pagbabidan muy ya kawan na kanan tam?” kunna. “Awemuy hud para maawatan ya ikayat ku uhohugan tekamuy. Nagbanad hud ya nonot muy?

¹⁸Itta haman ya mata muy, a anu awemuy haman makaita. A itta hapa ya bangbang muy, a anu awemuy makadangag?

¹⁹Naliwatan muy de ya lima kiden pan nga nepakan ku ta limaribu kiden. A piga hud na la-ba ya pinannu muy ta huna da kiden?” kunna tekid. “A mafulu duwa,” kunda hapa.

²⁰“A ta pitu kiden pan nga nepakan ku ta appataribu kiden, a piga hapa na la-ba ya pinannu muy ten ta huna da kiden?” kunna ha. “A pitu hapa,” kunda.

²¹“Ay, awemuy para la de maawatan ya ikayat ken uhohugan tekamuy nga ‘Palanan muy mina ya beking na Pariseyu kiden ikid nig Herud?’” kunna.

²²A ta pakadatang da ha ta ili na Betsayda a itta ya umange nangidafung ta nagdaram te Hesus, a nebar da ta “Maski la isi-ged mu ya kamat mu tentu petta makaita,” kunda tentu.

²³A inibbalan ni Hesus ya kamat na nagdaramen, kapye na ginemidan neuhet ta ada-dayu ta babali kiden. A sangaw linutaban na ya mata na kiden kapye na kid hapa sini-ged ta kamat na. “Itta de ya maitam?” kunna tentu.