ᤔᤷᤁᤢᤛ 8:17-23

¹⁷ᤕᤧᤛᤢᤖᤧ ᤁᤴ ᤐᤠ᤺ᤴᤏᤡᤴ ᤁᤢᤛᤡᤱ ᤏᤡ᤺ᤳᤋᤢᤀᤠᤱ ᤔᤧᤳᤋᤢᤛᤡ. “ᤂᤡᤏᤡ᤹ ᤗᤢᤶᤔᤥ ᤂᤖᤧ᤺ᤱ ᤜᤥ᤺ᤵ ᤑᤠ᤹ᤀᤠᤱ ᤌᤣᤀᤠᤱ ᤐᤠ᤺ᤴ ᤁᤧᤎᤰᤋᤡᤒᤠ᥅ ᤂᤡᤏᤡ᤹ ᤀᤠᤸᤗᤛᤠᤱ ᤐᤠ᤺ᤴ ᤁᤢᤛᤡᤱ ᤁᤧᤴᤏᤡ᤺ᤳᤋᤡᤴᤏᤠᤱ ᤂᤠᤛᤡᤱ ᤁᤧᤴᤏᤡ᤺ᤳᤋᤡᤴᤒᤡ᥅ ᤀᤠᤸᤗᤛᤠᤱ ᤂᤡᤏᤡ᤹ ᤏᤡᤱᤘᤠ᤹ ᤌᤢᤱᤒᤡ᥅

¹⁸ᤀᤥᤔᤧᤵᤔᤠ ᤔᤡᤰ ᤁᤧᤃᤳᤋᤢᤶᤛᤠᤱ ᤁᤧᤴᤏᤡ᤺ᤛᤢᤶᤔᤡᤴᤒᤡ᥅ ᤂᤧᤶᤔᤠ ᤏᤧᤰᤂᤥ᤹ ᤁᤧᤃᤳᤋᤢᤶᤛᤠᤱ ᤁᤧᤱᤄᤧᤵᤛᤢᤶᤔᤡᤴᤒᤡ᥅ ᤂᤡᤏᤡ᤹ ᤏᤡᤱᤘᤠ᤹ ᤔᤧᤕᤠᤰᤏᤧᤴᤒᤡ᥅

¹⁹ᤀᤡᤱᤃᤠ᤹ ᤅᤠᤛᤡ ᤂᤖᤧ᤺ᤱᤅᤡᤸᤗᤧ ᤜᤧᤴᤇᤡᤱ ᤅᤠᤛᤡ (᥋᥆᥆᥆) ᤔᤏᤠᤜᤠ᤹ ᤆᤠ᤺ᤳᤋᤢᤱᤛᤡᤱᤅᤡᤸᤗᤧ ᤁᤢᤈᤡ ᤁᤧᤏᤶᤒᤠᤜᤠ᤹ ᤀᤠᤰᤂᤧᤴ ᤏᤀᤡᤔᤠ ᤁᤧᤓᤢᤰᤂᤢᤶᤒᤣ᥅” ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤌᤡᤰ-ᤏᤧᤳ” (᥇᥈)॥

²⁰“ᤜᤧᤰᤁᤩᤠᤱ ᤏᤢᤛᤡ ᤂᤖᤧ᤺ᤱᤅᤡᤸᤗᤧ ᤜᤧᤴᤇᤡᤱ ᤗᤡᤛᤡ (᥊᥆᥆᥆) ᤔᤏᤠᤜᤠ᤹ ᤆᤠ᤺ᤳᤋᤢᤱᤛᤡᤱᤅᤡᤸᤗᤧ ᤀᤠᤰᤂᤧᤴ ᤏᤀᤡᤔᤠ ᤁᤢᤈᤡ ᤁᤧᤏᤶᤒᤠᤜᤠ᤹ ᤁᤧᤓᤢᤰᤂᤢᤶᤒᤣ᥅” ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤏᤢᤛᤡ” (᥍)॥

²¹ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤠᤸᤗᤛᤠᤱ ᤁᤢᤛᤡᤱ ᤏᤡ᤺ᤵᤔᤠ ᤁᤧᤴᤇᤢᤰᤋᤢᤶᤔᤡᤴᤒᤡ᥅”

²²ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤒᤧᤌᤛᤣᤍᤠᤀᤥ ᤔᤧᤃᤧᤖᤧ॥ ᤂᤧᤵᤔᤥ ᤔᤏᤠᤜᤠ᤹ᤖᤧ ᤔᤡᤰᤑ᤺ᤶᤒᤠᤎᤡᤰ ᤕᤧᤛᤢᤖᤥ ᤔᤧᤍᤠᤖᤢᤀᤠᤱ “ᤂᤧᤸᤗᤧ ᤁᤢᤛᤶᤍᤠᤱ ᤁᤧᤜᤢᤰᤁᤡᤴ ᤏᤧᤛ᤻ᤛᤧ᤹ᤀᤠᤱ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤆᤥᤃᤧ᤹ᤀᤥ” ᤑᤠ᤹ᤀᤠᤱ ᤐᤣᤗᤡ ᤔᤧᤓᤠᤰᤋᤢᤖᤥ॥

²³ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤔᤡᤰᤑ᤺ᤶᤒᤧᤴ ᤁᤢᤜᤢᤰᤁᤥ ᤋᤧᤶᤛᤢᤀᤠᤱ ᤐᤠᤱᤓᤣ᤹ᤀᤥᤗᤠᤶ ᤗᤠ᤺ᤰᤁᤠᤳ ᤋᤣ᤹ᤖᤢ. ᤜᤧᤰᤁᤩᤠᤱ ᤁᤢᤎᤩᤠ᤺ᤳᤋᤡᤴ ᤁᤢᤔᤡᤰᤁᤥ ᤑᤳᤇᤢᤖ ᤁᤢᤜᤢᤰᤁᤡᤴ ᤏᤧᤛ᤻ᤛᤢᤒᤡᤖᤢᤀᤠᤱ ᤛᤣ᤺ᤴᤍᤥᤛᤢ. “ᤀᤠᤸᤗᤥ ᤂᤠᤏᤡ᤺ᤔᤠ ᤁᤧᤛᤢᤰᤋᤢᤒᤡ᥅”