Maak 8:17-23

¹⁷Ii amiŋ mogi gejianoŋ kemero kokaeŋ iŋijoro, “Naambaajoŋ berednana qaa jeŋ amiŋ moju? Noo kaniana ii naambaajoŋ mende moma kotoju? Ii mende moma asariju me? Uugejagianoŋ gojoma raja me?

¹⁸Jaagia rajaoto, kileŋ mende iima kotoju me? Gejagia rajaoto, kileŋ mende moma asariju me? Iwoi asugiroti, ii duduuju me qaago?

¹⁹Niinoŋ bered 5 ii ejemba 5,000 yoŋoojoŋ motowe iikawaa kitia meŋ kululuugi konde dawinoŋ kemeŋ saa qero?” Qisiŋ oŋono “Konde 12,” ijogi.

²⁰Ijogi toroqero, “Niinoŋ bered 7 ii ejemba 4,000 yoŋoojoŋ motowe iikawaa kitia meŋ kululuugi konde dawinoŋ kemeŋ saa qero?” Qisiŋ oŋono “Konde 7,” ijogi.

²¹Ijogi moma jero, “Kawaajoŋ kaniana ii mono kaaŋiadeeŋ mende moma asariju me?” Kiaŋ

²²Jiisasnoŋ gowokouruta yoŋowo Betsaida taonoŋ kagi. Kanoŋ kaŋ eja jaagoo moŋ wama Jiisaswaanoŋ kouma borianoŋ oosiriwaatiwaajoŋ qama kooliŋ mugi.

²³Qama kooliŋ mugi Jiisasnoŋ eja jaagoo ii borianoŋ meŋ wama miri seleeŋgeŋ keni. Kema sulaaya sulaaŋ jaayanoŋ ama boria waŋanoŋ ama qisiŋ muro, “Iwoi moŋ iijaŋ me qaago?”