San Lucas 15:7-14

⁷Aman junni Jesús tsanque cuenta polarisi, yaca meráminlabe itsantinue: —In seiton quiminlari ya topiyaca jun opisa cuwenta jolajoe. Yala manca jutsa quinunca telaquepoto casan tenca mancanari, Diosichibi duque son tintsan jochunae. Senla mantimini jutsaca telaquepono munaratuntsan joe. Junni duque tsanlaca Diosichibi son tinatonan, jutsaca telaquepomin mancacari fécari duque son tintsan jochunae tinue. Jesús tsanque cuenta polarinue.

⁸Junto aman Jesús tsachilaca micarichun manca cuentaman polarinue. Itsantinue: —Sona manca chunca cala tachunae tinue. Junni ya calari duque mica cala jochunae tinue. Junto mancaca piyaritori, ¿duque neca manneyachunaco? tinue. Lanparin tulito, tapenan casito, duque neca neyachunae ya calaca manfeno fecári.

⁹Junni calaca manfetobi, duque son tichunae tinue. Amicalacanan, quiranunlacanan layaisa carito, chiquebe son tilatina! tichunae tinue cala piyaca junca manfeyoeque.

¹⁰Junni Jesús tsanque cuenta polarisi, yaca meráminlabe itsantinue: —Tsachilari jun cala cuwenta jolajoe tinue. Junni jutsa quinunca telaquepoto, casan tenca mancamin mancaca Diosichi anjelila son timinla joe tinue. Jesús tsanque micarinue.

¹¹Junni Jesuri micarinato, manca cuentaman polarinato itsantinue: —Aman tsachi manca paluca naola tachunae tinue.

¹²Nanni nacan nao yachi apabe itsantichunae: Apa, chiquila jera tanunca quitsaleto, lachi erensia jono jonunca amananan lachi cuwaniquede! tichunae tinue. Junni tsantinan, yachi apari aman jera tanunca quitsaleto cuwachunae tinue.

¹³Aman inale nanni nacan nao jera tanunca osito, cala catobi, bare toca jichunae tinue. Junni ya tsachiri junbi seitonque nenato, calaca moorasiri jera piyarichunae tinue.

¹⁴Junni jerale jun tobi ano michi itochunae. Junni junbi yanan ano fituto padeseichunae tinue.