SALMOS 91:7-15

⁷Masque monechca miquise mil o majtacti mil masehualme, ta amo mitzajsis.

⁸Ica moixteyol tiquitas quenicatza quiselise tatzacuiltili nopa taixpanoca tacame.

⁹Sinta timotemachijtoc ipan TOTECO para mitzmocuitahuis, huan timochiya ipan Toteco Cati Más Hueyi para mitzpalehuis,

¹⁰huajca amo mitzajsis yon se tamanti cati amo cuali, yon amo quiajsis mochaj.

¹¹Pampa Toteco quintitanis ilhuicac ehuani para ma mitzmocuitahuica, huan mitzmocuitahuijtinemise campa hueli campa tiyas.

¹²Huan ilhuicac ehuani mitztananase ica inimax para amo timotepotanis ipan ojti.

¹³Yon amo timajmahuis masque tijquetzas moicxi ipan se león o se cohuat cati temictía. Quena, amo teno mopantis masque timoquejquetzas ininpani.

¹⁴Pampa Toteco Dios quiijtohua: “Na nijmanahuis pampa nechicnelía. Nijhueyitalis pampa motemachía ipan na.

¹⁵Quema nechtzajtzilis, na nijnanquilis. Nojquiya niitztos ihuaya quema quipiyas tequipacholi. Nijmanahuis huan nijhueyitalis.