Salmos 90:6-16

⁶Iy tputsini chirichirpaz ashiruni musásiri tsipakaniya. Napa chirichir wanasir kxuneeru, puturit wanasiri chaptayaru, itaru zar pukamachsha mawiruyaru, tsipatariya. Chy tputsich ashkitamchi.

⁷Shiy tsiyantakachush, musásiri iyaa tpachingamaam waritaksha. Ashkachush, iysha mangini tsípataraa ashchiniya.

⁸Shiy iyaa yutaritshishiri ichingaru yasaksha. ¿Yapeeja chiy kamungchich?

⁹Shiy tsiyantakchush, uru taarashini tsípchiya. Tputsich masachirich kambusurpaz ashiru tushiyshtar ashkiya.

¹⁰70 masach tputs taakiya. Itaru, tputs kizpur putit 80 masach taamaam waritakiya. Kapungtaa taakuch, itaru xarashish uru iyaam tachitarpaz ashkiya. Mikeeru tushiyshtar ashku, chiy mikeeru tsipachich.

¹¹¿Chakaja shiyaa tsiyanish yasach? ¿Tamayari shiyaa tsiyanish kamungchich?

¹²Ashirucha Apaa, putam putam ashiru mangeetsini p'tseengcha nda mangutaritini taamaama. Mangiptartanaariniya taakuni, shiyaa aranginasha mangoonachshapariniya.

¹³Apaa, iyaatssha yusur wanasir chinangcha. ¿Ashinooja iyaa istachish? Iyaa nayaningcha. Watam iyaa shaana tputsirshawa.

¹⁴Uru zar taraseekchu anush, chinasheetsish iyaam panangcha. Mangishini tatsitangcha. Ashkachush, iysha uru shiyaa mangini kis yasichinipa.

¹⁵Apaa, ¿wanip masach na kiyung kachiykuni taakaniya? Itaru, Apaa, shiy ashpirittam masachee tatsamooru kis taamaam iyaam wayangcha.

¹⁶Ashkachush, iysha mishat iy ipartamani shiyaa wanasirimshirish pangchinlliniya. Shiy iyaa kizpur istakush, anoo kis pangchiniya.