Yabura 90:6-16

⁶A keli subaxɛ ma, a fuga, nunmare tɛmui a ɲan bara lisi, a xara.

⁷I xa xɔnɛ muxu ɲɔnma nɛ, a muxu magaaxu.

⁸I muxu xa yunubi birin kolon, hali muxu xa fe ɲaaxi naxee findixi gundo ra.

⁹Muxu xa simaya birin luma i xa xɔnɛ bun ma. Muxu xa duniɲɛigiri xa bui birin, ɲɛngi rate keren.

¹⁰Muxu xa simaya buma ɲɛ tongo solofere, ɲɛ tongo solomasaxan xa a sɔɔnɛya, kɔnɔ na birin findixi tɔɔrɛ nun ɲaxankatɛ nan na. Simaya dangima nɛ mafuren mafuren, a muxu lu dimi kui.

¹¹Nde i xa xɔnɛ sɛnbɛ kolon? Nde gaaxuma na ya ra?

¹²A muxu ratu simaya raɲɔnyi ma, alako muxu xa xaxili sɔtɔ muxu xa duniɲɛigiri kui.

¹³N Marigi, i xa i ya rafindi muxu ma I xa xɔnɛ buma han mun tɛmui? Kinikini i xa konyi die ma.

¹⁴Kuye na iba, i xa muxu rawasa i xa dugutɛgɛɲa ra, alako muxu xa sɛɛwa muxu xa simaya birin kui.

¹⁵I tɔɔrɛ xasabi naxan dɔxɔ muxu ma, i yaagi xasabi naxan sa muxu ma, i man xa muxu rasɛɛwa na xasabi ra.

¹⁶I xa i xa kaabanakoe masen muxu bɛ, i xa konyie. I xa nɔrɛ xa mini muxu xa die ma.