SALMOS 8:2-9

²Žoḻgak x̱kwide' ka', na' bi'do' že'n ka', ka naken. Yo'o chawo'o gan bi gak ḻa'gak benne' ka' bi ẕḻé'egekle' Le' chawe'. Ẕzoa žio' benne' ka' bi ẕḻé'egekle' Le' chawe', na' benne' ka' ẕzóagake' Le' cheḻa'ale.

³Kate' ẕwia' ya'abá dan' beno' Le', na' byo', na' belj ka', da' ka' bzo' to ton,

⁴na' ẕnnaba': ¿biẕkze zej nak benne' ka', dan' že' ḻažo'o ḻégake'? ¿Biẕkze zej nak benne' ka', dan' ži'o wnné yoe chégake'?

⁵Beno' ḻégake' yeláte'ze gax̱jw ka nako' Le', na' bzo' chégake' yeḻa' ẕen, na' yeḻa' ba la'ne.

⁶Wnnakzo' nna biá'gake' yógo'te da' ka' beno'. Yógo'ten bdio' ḻo ná'gake':

⁷ẕila' ka', na' bež ka', na' yógo'te bia yix̱e' ka',

⁸bia zej nnita' x̱ílgakba', na' bel ka', na' yógo'te bia ka' zej nníta'ba' ḻo nisdo'.

⁹X̱anto' Dios, ẕente nak La la'y chio' Le' do ẕente yežlyó.