Salmo 8:2-9

²Olay din anan-ak ya momoyang ay mansossoso et ikankanta da din nabanol ay ngadan mo. Begew sina, gominek da din kaibaw mo.

³Mo tangadek ed daya ay inamag mo et mailak din bowan ya talaw ay insaad mo,

⁴Masmasdaawak et kankanak sin nemnem ko, “Sino aya di kasasaad di ipogaw ta nemnemnemem? Ay tan nabanol da od ta as-asikasoem?”

⁵Ngem insaad mo ay nababbaba si at-atik mo din nailangitan ay parsua. Kaman din dayaw di ari et indayaw mos daida,

⁶tan inpaituray mo en daida din am-in ay wada.

⁷Iturayan da din matalaken ay karnero ya baka ya din atap ay aanimal sin kada.

⁸Siya abe din titit ay mantaytayaw ed daya, din nigay ay wada sin baybay ay annawa.

⁹Diyos ay Apo mi, din panakabalin mo et maila sin intiro ay daga.