Y Salmo Sija 8:2-9

²Guinin pachot y mandiquique yan y mañususo nae unpolo y minetgot? Pot y enimigumo sija: sa para unnasuja y enimigo yan y umeemog.

³Anae julie y langetmo, ni y checho y calolotmo, y pilan yan y pution, ni jago pumolo;

⁴Jaye y taotao, para uguaja guiya güiya jinaso? yan lajin taotao para ubinesita güe.

⁵Sa unfatinas didide diquiqueña qui y angjeles, ya uncorona güe ni y minalag yan inenra.

⁶Unnafanmagas todo ni checho y canaemo: todo unpolo gui papa y adengña.

⁷Y quinilo yan y nobiyo todo ayo: taegüenaoja y gâgâ ni gaegue gui fangualuan.

⁸Y pajaro gui langet, yan y güijan gui tase: ya jafaja ni manmalolofan gui chalan y tase.

⁹O Jeova, Señotmame: jafa muna mauleg y naanmo gui todo y tano.