SALMOS 80:5-16

⁵Beno' Le' ga žak nyache' ḻáže'to', na' nis ẕbežto' naken da' že'j žawto'.

⁶Bi'o latje benne' gawze ka' bká'ngake' neto' ka'ze. Benne' ka' ẕžá'agake' neto' ben dítjgekle' neto'.

⁷Bezí' neto', Dios. Napkzo' Le' dot yeḻa' wak. Beyache' ḻaže'l neto', na' yelato'.

⁸Bebejo' neto' ka to lba uba ḻo yežlyó Egipto. Blago' benne' ka' wnníta'gake' nga, na' gozo' lba uba na' nga.

⁹Wdape chi'o lba uba na' nich golen. Ben lba uba na' lwen, na' bgakwn yežlyón'.

¹⁰Wló'on ẕoḻ yógo'te ya'a ka', na' ni'a ne'n ka' wló'ogaken ẕoḻ yag sedro ẕen ka'.

¹¹Bzáḻa'gaken ni'a ne'n, da' ka' bžíngaken žoa'a nisdo', na' bžíngaken žoa'a yegw Eufrates.

¹²¿Biẕ chen' bkwaso' le'je da' wdáp chi'in lban'? Na'a benne' ka' ẕdégake' ga na' ẕbángake' uba chen.

¹³Ẕlejgak koch yix̱e' ka' lba uba na', na' bia yix̱e' ka' žáwgakban'.

¹⁴Bedá cheto', Dios, napkzo' Le' dot yeḻa' wak. Bwia neto' zaka' ya'abá, gan zoakzo', na' da yedjḻe'elo' da' žaken che lba uba chion'.

¹⁵Da, yesló' lba uba ni, dan' gozkzo' Le'. Ẕiže lba uba na', dan' bzoa chochon' naken chio'.

¹⁶Benne' ka' bi ẕḻé'egekle' neto' chawe' bchóggake' lba na', na' bẕéngaken' yi'. Bwia benne' ka' ḻo yeḻa' ẕža'a chio', na' bžia yi' ḻégake'.