Salmos 80:5-16

⁵Iyaa kapung kiyung yacharangush, nda katungkuni, nduntam waakuni, ichingaru zar tanukuni taakiniya.

⁶Minshuch tputs iyanung watsiri taakana, anin iyaa tsapunee itutsimaam zandkanaya. Kundararini iyaa kasirangusin, iyaa stakanaya.

⁷Apaa, shiyamari kasirush taaksha. Yusur iyaa wanasir taamaam wayangcha. Iyaa chinakush tapachindangcha.

⁸Iyaa zitaminarineetsini Ijiptomand tsap kizarunaatspaz ashirush, xpuyarush, nish Kanaanushsha tsap yushindarangsha. Kanaanshuchee tputsee kasirangush, tpachingarangsha. Sheerush iyashcheetssha kizarunaatspaz ashirush anush tsap tatsumirangsha.

⁹Karutaatssha wanasir puyakpaz, sheerush, kizarunsha zapan kxunarangiya. Izuuru ashchiri tsapoo tatsitarangiya.

¹⁰Macheetstam íwar izuuru ashchiri yambutarangu, wapzar zapan pzeeneeru, wanasinarsha wazurantam kanungarangiya.

¹¹Zapan izapaneerangu, marshutam kusaranganaya. Mishat, kung Eufratisshutam kusaranganaya. Iyashcheetssha tputs ashikpaz ashirush iyaa izapaneerangsha.

¹²¿Ashiri natsha mayaamsha tandapunuzeetspaz ashiru tunuparangush, iyaa nda wanasir ksutaksha? Tputs iyaa kiyung yachakanaya. Na tputs ngootsip naakchusin, kizarunaa wanus pusayarusin, kapeeta kapeeta ashkanaya.

¹³Mishat, manginshuch kazum, kázamzitam kizarunapaz wanus ashirusin katungkusin, iyaa kiyung yachaksin taakanaya. Wapzareetspaz ashirusin iyashchee ichip ichip ashkusin pamuxakaniya.

¹⁴Apaa, shiy kizpurtishcha. ¿Mayaamsha nda iyaa nayaniksha? Apaa, tputsireetsish kanindamandari napangcha. Iyaatssha kizarunareetspazish ashiru yusur ksutangcha. Izuuru wanasir iyaa napangcha.

¹⁵Watam shaana tatsumarangshawa. Shiy iyaa nish yushindarangush, tatsumikpaz ashirangush kis ksutarangsha.

¹⁶Itaru, kundararini tzayarusin, tirooranganaya. Ashiri, Apaa, shiysha kundarareetsini tpachingayarush ksangcha.