SALMOS 7:2-11

²nich bi séngake' neda' ka žon bež yix̱e', na' bi wchéza'gake' neda' gan bi zoa no benne' gákḻene' neda'.

³X̱ana' Dios, cha' bena' neda' ki; cha' zoa bi da' ẕinnj da' ben ni'a na'a;

⁴cha' zoa bi da' bi nak chawe' da' bena' che no benne', bennen' ẕgá'nḻene' neda' chawe', (san neda' gókḻena' bennen' bi ẕḻe'ele' neda' chawe' ḻa'kze bi be bena' chie')

⁵cha' ki bena', be' latje bennen' bi ẕḻe'ele' neda' chawe' kwia ḻaže'e neda', na' sene' neda'. Be' latje bennen' wleje' neda' ḻo yo, na' wca'ne' ca'ze yeḻa' ẕen chia'.

⁶X̱ana' Dios, ḻo yeḻa' ẕža'a chio', wzó ža'. Bdiḻ-ḻen benne' ka' žsáka'gake' neda' ḻo yeḻa' ẕža'a chégake'. Bseḻa' da' gakḻen neda' kate' žin ža wchi'a ḻažo'o da' žak cheto'.

⁷Benne' yógo'te yež ka' ḻá'gake' ḻawo' Le'. Wnná bia' benne' ka' ḻo yeḻa' ẕen chio'.

⁸Le', X̱ana' Dios, wchi'a ḻažo'o benne' yógo'te yež. Bchi'a ḻaže' neda' ka nak da' chawe' dan' bena', dan' bena' ḻo da' nak ḻi ḻaže' chia'.

⁹Bchinnj da' žongak benne' wen da' ẕinnj ka', san ben chawe' benne' chawe' ka', dan' nako' chawe', Dios, na' ẕwio' da' yo'o ḻo yichj ḻáẕdo'gak yógo'te benne' ka'.

¹⁰Dios na'kze žape chi'e neda'. Žeslé' benne' ka' zej nake' ḻi ḻaže'.

¹¹Nak chawe' ka ẕchi'a ḻaže' Dios da' žongak benne' ka'. Yógo'te ža ẕža'a Dios che da' žongak benne' wen da' ẕinnj ka'.