3Nihuihuipica ica majmajti huan amo nijmati taya nijchihuas. Huan ta TOTECO, ¿hasta quema tihualas para techtananas?
4Xihuala, TOTECO, techmanahuiqui para amo nimiquis. Techmaquixti pampa tahuel techicnelía.
5Amo aqui cati mictoc huelis mitzelnamiquis. ¿Ajquiya huelis mitzhueyichihuas sinta mictoc huan ya quitalpachojtoque?
6Ya tanqui nofuerza ica choquisti. Sese tayohua nichoca miyac hasta nijtamixolonía notzonteto.