2Naka' ka to benne' yoe'e ḻo gona', na' bi žak se'e. Naken ka yoa'a ḻo nis zil-ḻe'e, na' nisen' za' wkachen' yichja'.
3Žejx̱áke'la' dan' scha wnnéḻi'a, na' da' lba'a. Žatgak yej ḻawa' x̱ak ẕbeza' nich gakḻen Dios neda'.
4Zej nyanže benne' ka' bi ẕḻé'egekle' neda' chawe' ka zej nyan yicha' yichja', na' bi be ẕia nbaga'a. Benne' ka' ẕžá'agake' neda' zej nákḻi'e waḻe. Benne' ka' žóngake' neda' ẕia, na' bi zoa biẕ chen'. Žon byéngake' yeyiẕjwa' da' bi wlana'.
5Dios, nnézkzelo' Le' bena' da' yaḻze, na' ẕḻe'ekzlo' doḻa' da' bena'.