SALMOS 69:2-5

²Eltoc queja nimasitoc ipan soquitl tlen huejcatla huan ax hueli niquisa. O queja nechyahualosquía tlahuel miyac atl huan huejcatla.

³Tlahuel nichocatoc hasta nisiyajtoc. Nimitztzajtzilijtoc, Toteco Dios, hasta nechcocohua noquechtla huan ayoc hueli nicamati. Nochi noixtiyol semajtoc ica choquistli. Ya niixcuati pampa campa hueli nitlachixtoc para niquitas intla tihuala, Toteco Dios, para tinechpalehuis.

⁴Tlahuel miyac nopa tlacame tlen nechcocolíaj yonque ax tleno niquinchihuilijtoc. Nelía quipiyaj miyac chicahualistli nocualancaitacahua tlen quinequij nechmictise. Pero na ax niquinixpanotoc. Quinequij nechtlatzacuiltise ica se tlamantli tlen ax nijchijtoc.

⁵NoTeco Dios, ta tijmati para nelía nihuihuitic, huan tiquixmati nochi notlajtlacolhua.