SALMOS 68:12-14

¹²“Cholojtejque nopa soldados cati hualajtoyaj para techtzontamiltise.” Quena, ama nopa israelita sihuame momajmacaj nochi tamanti cati quicajtejque nopa soldados.

¹³Xiquitaca, masque quinmocuitahuiyayaj borregojme, ama nopa sihuame hasta petanij ica oro huan plata. Nochi inintacayo quitamitzactoque ica tamantzitzi cati cuajcualtzitzi quej se paloma quitamitzacua itacayo ica ieltapal.

¹⁴Toteco Dios Cati Quipiya Nochi Chicahualisti quinsemanqui icualancaitacahua quej nopa tasesecayot cati huetzi ipan tepet Salmón.