SALMOS 67:2-6

²Naž gónbia'gak benách dot yežlyó da' žaz ḻažo'o Le', na' nnézgekle benne' yógo'te yež žesló' benne' ka'.

³Yógo'te benne' ka' we ḻáwgake' Le', Dios. Yógo'tegake' wká'n ẕéngake' Le'.

⁴Le yebele, na' le soa ḻo yeḻa' ba nez, ḻe'e, benne' yógo'te yež ka'. Wchi'a ḻaže' Dios ḻe'e ḻo da' naken chawe'. Gape chi'ikze' yógo'te benne' ka'.

⁵Yógo'te benne' ka' we ḻáwgake' Le', Dios. Yógo'tegake' wká'n ẕéngake' Le'.

⁶Yežlyó nga žen' x̱ni'a chen. Dan' ben chawe' Dios žo'o, nake' Dios chežo.