SALMOS 62:2-9

²Toze' Ḻe' žape chi'e neda', na' žeslé' neda'. Nake' Bennen' žox̱e' neda', na' bi chejchegwa'.

³¿To chi'ize wkwezle da' gonle chia' neda', yógo'tele žon byenle wžía yi'le neda'? Žonle ka žon to benne' ẕchinnje' to ze'e da' zoa bix̱en, o to ḻe'je da' nožon'.

⁴Žonle toze diža' kan yebejle neda' ḻo yeḻa' ẕen chia'. Nží'ilele da' wen ḻaže'. Ḻen žoá'ale ẕchaḻjle cháwe'do' san yo'o yichj ḻáẕdo'le da' ẕinnj da' gonle.

⁵Le', be' da' nakkza', wléz ḻaže' toze Dios. Nake' Ḻe' Bennen' žx̱en ḻaža'a.

⁶Toze' Ḻe' žape chi'e neda', na' žeslé' neda'. Nake' Bennen' žox̱e' neda', na' bi yedó ḻaža'a.

⁷Nak Dios Bennen' žeslé' neda', na' nake' yeḻa' ba nez chia'. Nak Dios Bennen' žape chi'e neda', na' Benne' žon choche' neda'.

⁸Le kwez ḻaže' Ḻe' to chi'ize, ḻe'e, benne' ka'. Bḻoe'el Ḻe' da' ẕdan ḻáže'le. Nak Dios Bennen' žon choche' žo'o.

⁹Da' ḻi, da' dáche'ze zej nak benne' ka', na' ka to da' wen ḻaže' zej nak benne' ẕen ka'. Bi náḻe'tekgekle' to ḻo ẕgons. Zej nakže' ža'ze ka to be' da' žeká'a ḻáže'žo.