SALMOS 59:9-12

⁹Benne' ka' bi ẕḻé'egekle' neda' chawe' zej nake' waḻe. Neda' wx̱én ḻaža'a Le', dan' žape chi'o neda'.

¹⁰Dios, Bennen' žeyache' ḻáže'le' neda', yide', na' gákḻene' neda'. Dios gone' ga ḻe'ela' da' gak chegak benne' ka' bi ẕḻé'egekle' neda' chawe' kan žak ḻaža'a.

¹¹Bi goto' benne' ka', nich bi gaḻ ḻáže'gak benne' chia' ka' da' ka' žono'. Besḻás benne' ka' ḻen yeḻa' wak chio', na' ben ga chejchégwgake'. X̱anto' Dios, Le' žape chi'ikzo' neto'.

¹²Ben ga chíx̱gekle' ḻo yeḻa' ẕka'n ẕen kwíngake', ni'a che doḻa' da' žóngake' ḻo da' ẕcháḻjgake', na' ni'a che diža' x̱iwe' ka', na' da' wen ḻaže' da' ẕnnágake'.