SALMOS 50:15-23

¹⁵Ḻezka' ẕnne': “Bḻiž neda' ḻo ža katen' gak da' wžía yin' benách ka', na' yeslá' le', na' le' gapo' neda' ba la'ne.”

¹⁶Dios ži'e no benne' wen da' ẕinnj: “¿Žeklo' ẕchaḻjo' le' kan nak da' wnnakza' neda', na' ẕnnio' che x̱tiža'a dan' bénḻena' benách chia' ka'?

¹⁷Le' bi ẕḻe'elo' neda' chawe' kate' ẕḻoe'ela' le' da' bi nak chawe' da' žono', na' ẕzo' cheḻa'ale diža' chia'.

¹⁸Kate' ẕḻe'elo' to benne' wbán, na' žono' ḻe' tẕen, na' nako' toze ḻen benne' ka', benne' ẕbej yíchjgake' neda'.

¹⁹Žónteze žono' da' ẕia, na' ẕcháḻjtezo' da' wen ḻaže'.

²⁰Ẕnnétezo' che lježkzo', na' žesbago'o ẕia x̱kwide' che x̱na'kzo'.

²¹Beno' da' ki, san neda' wzóa' žize. Goklo' naka' neda' to benne' ka nako' le', san tiḻkza' le', na' wḻoe'ela' le' ka nak da' beno'.

²²Le chejní'il da' ni na'a, ḻe'e žaḻ ḻáže'le Dios, nich bi wzóẕj Dios ḻe'e, na' biž soa no benne' yeslé' ḻe'e.

²³Bennen' ko'e ḻawa' da' wká'n ẕene' neda' gape' neda' ba la'ne, na' bennen' ẕzoa choch kwine' nich gone' da' chawe', wḻoe'ela' ḻe' zoa' yeslá' ḻe', na' naka' Dios chie'.”