Psalm 50:15-23

¹⁵Likwir dong ia ni om insensued, I ap pan dore uk ala, a koe pan kapinga ia.

¹⁶A Kot kotin masani ong me sapung o: Da me koe kaparok duen ai kusoned akan, o lokaia kida au om duen ai inau,

¹⁷Pwe koe kin tateki tiak pung o mamaleki ai kusoned akan?

¹⁸Ma koe pan kilang lipirap amen, koe kin iang i, o koe kin waroki ong me kamal akan.

¹⁹Au om kin lokaia kiwei me sued o lo om me likam.

²⁰Koe kin wonon o lokaia likam duen ri om; o nain in om putak koe kin karaune mal.

²¹Koe wiada mepukat, a ngai kin nenenla; koe ap kiki ong, me ngai dueta koe. A I pan kapung ong uk o kasaleda mon mas om.

²²Komail me mamaleki Kot, en asa, I pan kasor komail la o sota sauas pamail pan mia.

²³Me kin mairongki danke, kin kapinga ia; o i al o, me I pan kasale ong i duen maur en Kot.