SALMOS 45:3-8

³Bda' ya ntoche' chio' žoa'a ḻi'o, le', benne' waḻe, ḻo yeḻa' ẕen chio', na' ḻo yeḻa' wnná bia' chio'.

⁴Ḻo yeḻa' ẕen chio' zo' nbankzo'. Bkonle žin diža' li, na' yeḻa' gax̱jw ḻaže', na' da' chawe', na' wzejní'il kwino' da' ẕenḻe'e ka'.

⁵Zej nḻáḻe'egak yag ntóche'do' chio' ka', da' ka' gótgaken benne' yež ka' ḻawo' le', na' cházgaken ḻáẕdo'gak benne' ka' ẕžá'agake' le'.

⁶Gan ži'o, Dios, žen' to chi'ize, na' sóatezen. Chawe' nak ka ẕnna bi'o.

⁷Nži'ilo' da' nak chawe', na' bi ẕḻe'elo' chawe' da' bi nak chawe'. Che ḻen Dios chio' bzoe' le' latje chio', gan žebéḻe'eželo' ka lježo' ka'.

⁸Ẕḻa' ẕix̱ ẕa lano' ḻen da' ka' zej naken mirra, na' áloe, na' kasia, da' ka' ẕḻá'gaken ẕix̱. Ḻo ližo' da' záka'ḻe'en ẕzóagake' le' ḻo yeḻa' ba nez.