SALMOS 42:3-5

³Tayohua huan tonaya nichoca huan amo nitacua. Nocualancaitacahua talojtzitzi nechtatzintoquilíaj: “¿Canque itztoc moDios? ¿Para ten amo mitzpalehuía?” Quej nopa nechilhuíaj.

⁴Quema niquelnamiqui quenicatza eliyaya achtohuiya nepa ipan notal, eltoc quej atiya noyolo. Niyahuiyaya inihuaya miyaqui masehualme hasta ichaj Toteco Dios. Na niquinyacanayaya nochi hasta ichaj ipan nopa hueyi ilhuit. Titzajtzitiyahuiyayaj ica paquilisti, huan tijtascamatiyayaj Toteco Dios pampa para ya tiilhuichihuayayaj.

⁵Huajca nimoilhuía: “Amo monequi nimotequipachos. Na nimotemachijtoc ipan noTeco Dios, huan sempa nijpaquilismacas, pampa yaya noDios huan notemaquixtijca.”