SALMOS 38:15-22

¹⁵dan' žx̱en ḻaža'a Le', X̱ana' Dios. Le' yechebo' ḻo wlaza' neda'.

¹⁶Bi go'o latje yebégekle' ni'a che da' žaken chia'. Kate' chejchegwa', bi go'o ḻégake' latje wká'n ẕen kwíngake' dan' žak nyache' ḻaža'a,

¹⁷san za' chejchegwa', na' ẕláteze dot da' naka'.

¹⁸Che ḻen yex̱óalapa' da' bi nak chawe' da' bena', na' gak nyache' ḻaža'a ni'a che doḻa' da' nbaga'a.

¹⁹Benne' ka' bi ẕḻé'egekle' neda' chawe' zej zoakze' chawe', na' zej nake' waḻe. Zej nyanḻe'e benne' ka' bi ẕḻé'egekle' neda' chawe', na' bi be ẕia bena' ḻégake'.

²⁰Benne' ka' žóngake' benne' chawe' ka' ẕia. Zej nake' benne' ka' bi ẕḻé'egekle' neda' chawe' dan' žónteza' da' naken chawe'.

²¹Bi kwej yichjo' neda', X̱ana' Dios. Dios chia', bi so' zi'to' gan zoa'.

²²Ben byene gákḻeno' neda', X̱ana' Dios. Nakkzo' Le' Benne' Weslá chia'.