SALMOS 38:15-22

¹⁵Pampa san ipan ta nimochiya, TOTECO, tinoDios. Na nijcajtoc momaco para xiquinnanquili huan xinechmanahui.

¹⁶San nimitztlajtlanía para amo xiquincahuili ma noca huetzcaca. Amo xiquincahuili ma mohueyitlalica noixpa pampa nihuetzqui.

¹⁷Nijmati nimiquis pampa tlacuajcualocayotl ax nechcahua niyon se tlalochtli.

¹⁸TOTECO, nijnequi nimitzpannextilis nochi notlajtlacolhua, pampa nelía nimocuesohua ica tlen nijchijtoc.

¹⁹Nocualancaitacahua momiyaquilijtoque huan moyoltetilijtoque. Miyac nechcocolíaj, yonque ax tleno niquinchihuilijtoc.

²⁰Yonque tlen cuali niquinchihuilijtoc, nechcuepilijtoque ica tlen fiero. Nechcocolíaj pampa nijtoquilía tlen cuali.

²¹NoTeco Dios, amo xinechcajtehua noselti. Amo ximoiyocatlali ica na.

²²¡Toteco! Xihuala nimantzi xinechpalehuiqui, ta tinotemaquixtijca.