SALMOS 38:14-19

¹⁴Quena, na nimochihua quej amo nijcaqui inincamanal, huan amo teno niquijtohua para ica nimomanahuis.

¹⁵Pampa san ipan ta nimochiya, TOTECO, tinoDios. Na nijcajtoc momaco para xiquinnanquili huan techmanahui.

¹⁶San nimitztajtanía para amo xiquincahuili ma noca huetzcaca. Amo xiquincahuili ma mohueyitalica noixpa pampa nihuetzqui.

¹⁷Nijmati nimiquis pampa tacuajcualoli amo nechcahua yon se talojtzi.

¹⁸TOTECO, nijnequi nimitzpanextilis nochi notajtacolhua, pampa nelía nimotequipachohua ica cati nijchijtoc.

¹⁹Nocualancaitacahua momiyaquilijtoque huan moyoltetilijtoque. Miyac nechcualancaitaj, masque amo teno niquinchihuilijtoc.