SALMOS 2:3-12

³Ẕnnágake': “Yebéj kwinžo ḻo ná'gake', na' wzoažo cheḻa'ale da' bchí'igekle' žo'o.”

⁴Gan že' X̱anžon' ya'abá chie' žẕiže'. Žon ditjle' da' žek ḻáže'gake' góngake',

⁵na' ḻo yeḻa' ẕža'a chie' ẕdiḻe' ḻégake', na' ḻo yeḻa' yichj ža'a chie' ẕchebe' ḻégake'.

⁶Ẕnne': “Ḻo ya'a la'y chia', Ya'a Sión ba bzoa' Bennen' nna bi'e ḻo wlaza' neda'.”

⁷Ẕnna Bennen': “Wzenla' ḻe'e da' gož X̱anžon' neda'. Gože' neda': Le' nako' Ẕi'na'. Na'a ža naka' x̱o'.

⁸Wnnable neda', na' gonna' Le' yógo'te yež ka', na' gak chio' dot yežlyó.

⁹Wchinnjo' yež ka' ḻen to bar ya, na' ka to že'e yo wzoẕjo' ḻégaken.”

¹⁰Na'a, ḻe'e, Benne' wnná bia' ka', le yenle da' ni da' ẕzejni'ila' ḻe'e. Le wsedle da' ni da' ẕzenla' ḻe'e, ḻe'e na' ẕnna bia'le ḻo yežlyó.

¹¹Le gon da' ẕnna X̱anžo Dios, ḻo yeḻa' ẕžebe chele, na' ḻo yeḻa' žeẕize chele, le yebele ḻawe' Ḻe'.

¹²Le gape ba la'ne Ẕi'ne' nich bi že'e, na' bi kwia yi'le ḻo nez chele, dan' ḻa' žá'atie' Ḻe'. Ba nez ẕen naken chegak yógo'te benne' ka' žx̱en ḻáže'gake' Ḻe'.