Salmos 2:3-12

³Chaymi gaparpan cayno nir: «Paycunapa maquinpita llojshicushunna. Munayninpita gueshpicushunna.»

⁴Janaj pachacho caycaj Tayta Diosmi paycunapäga asicun. Quiquin Tayta Diosmi mana cäsupanchu.

⁵Rabyarna mancharachin. Fiyupa rabyacurcurna piñacur nin:

⁶«Rispitädu Sión lömächo raynë cananpäga maynami acrashcä» nir.

⁷Cananmi willacushaj Tayta Dios imano yarpaycashantapis. Paymi nimasha: «Gamga wamrämi canqui. Canan junajpitaga taytayquinami cä.

⁸Nasyuncunata goycunäpäpis mañacamay. Cay pachatapis gampa cananpämi juc cuchupita jucaj cuchuncama goycushayqui.

⁹Fyërru bastunniquiwan magarmi llapan raycunata binsinquipaj. ¡Allpa mancata shallurejnömi usharinquipaj!»

¹⁰Chaymi raycuna, mandajcuna sumaj tantiyacuy. ¡Cay willapashäta sumaj yachacuy!

¹¹Fiyupa rispitashpayqui aduray Tayta Diosta.

¹²Paypa ñaupanmanga sicsicyar gongurpacuy. Mana rispitaptiquega jinan örami rabyacurcunman. Chaura wañunquimanmi. Cushishami cawanga Tayta Diosman yäracojcunaga.