Salmo 2:3-12

³Ke sikandan te, “Kinahanglan he kenè kiw ebpevayàbayà wey ebpesakup kandan.”

⁴Piru is Nengazen he ziyà te langit he ebpimpinuu te pinuuwè din te kedhadì, ed-engitan din dà sikandan.

⁵Tenged te kegkepauk din, ebpetizeenan din sikandan, egkengehandek dan.

⁶Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

⁷Ne migkaǥi haazà is hadì he mibpilì te Megbevayà te, “Ibpehayag ku is migkaǥi kedì te Nengazen te, ‘Iyan ka Anak ku, ne ǥuntaan ibpekilala ku he amey ad kenikew.

⁸Buyù ka kayi te kediey ne ibeǥey ku kenikew is menge nasyun, taman te pinekemeziyù he lugar te tivuuk he kelibutan para maangken nu heini, ne edtumanen ku heeyan.

⁹Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

¹⁰Umbe, sikiyu is menge hadì wey menge pengulu kayi te kelibutan, sevuta niw heini he menge lalag, ne pemineǥa niw is petizaan keniyu.

¹¹Penilbiyi niw is Nengazen duma is kedtahud ne ikelipey niw sikandin.

¹²Tehuza niw is hadì he mibpilì din, su emun kenà, ne egkepeukan kew zin ne edèdeetan kew zin. Deyzey is langun he ed-aput diyà te Nengazen.