SALMOS 25:2-6

²Ipan ta, noTeco Dios, nimotemachía. Amo techcahuili ma nimopinahualti. Amo xiquincahuili nocualancaitacahua ma nechhuetzquilica.

³Amo quema mopinahualtijtoc se cati ipan ta motemachijtoc. Ma pinahuaca inijuanti cati nimantzi quinequij mitzixpanose.

⁴TOTECO, technextili moojhui. Quena, technextili nopa pilojtzi campa tijnequi ma ninejnemi.

⁵Techyacana ipan moojhui cati xitahuac huan techmachti, pampa ta tinoTeco Dios huan tinotemaquixtijca. Ipan ta nimotemachía ipan ten hueli hora.

⁶TOTECO, xiquelnamiqui moteicnelilis cati tijpixtoc para nochipa, cati hasta ten huejcajquiya titenextilijtoc, huan yeca techtasojta.