Salmos 22:1-12

¹Dapiyarini yandarangu, yasimpaneem yaseessheem panarangiya. Apaa, Apaa, ¿mayaamsha nuwaa kasaksha? ¿Mayaamsha shiy nda nuwaa tapachindaksha? Nuw mangi kapung mantsakuri, shiyaa kuruzkina. ¿Tamasha shiy nda mazinaksha?

²Apaa, kaschiritam, Psaantam shiyaa kuruzkina. Itaru, shiysha nda nuwaa mazinaksha. Mapiymaam nuw pinasakina.

³Itaru Apaa, shiyamari wanasirtishcha. Iy Israelchichini shiyaatsimari ungirtakaniya.

⁴Iy pachirini shiyaatsimaritam chinaranganiya. Shiyaa kapung chinarangusin, shiysha tapachindarangsha.

⁵Shiyaa, Istanda, tárangusin, shiyshat tapachindarangsha. Shiyamun mang' taturangsin, shiysha uwaatsee istamaam nda ngatarangsha. Nda tamapingarangsha. Itsinsaru istarangsha.

⁶Itaru, nuwaatssha tputs, ¿Antaati in tputseeja? Nda. Mbich tamatarpachi ashiru kátimaam waritachcha, nuwaa atusin stakanaya.

⁷Mantsir tsiyateersin, stakanaya. Nuwap napeersin,

⁸¿Tamasha in Apanllimuntaa mang' tatku, Apanll uwaa nda tapachindaka? Apanll uwaa chinakinaariya, taarashee tapachindachinaparee, atanaya nuwaatsi.

⁹Itaru, shiysha Apaa, nuwaa aneershi nllurtamaam wayarangsha. Nllurtaranguri, aneereemi ksutamaam wayarangsha.

¹⁰Ndatumastaa nllurtachuri, shiy uru nuwaa ksutarangsha. Urutari nuw shiyaa aparimuna.

¹¹Ashiri Apaa, shiy nuwaa ksarishpa. Kapung kiyung kachiykuri tsipamaam waritakina. ¿Chakaja nuwaa tapachindachinda? aturi, min tputs nuwaa tapachindampan wanindaja.

¹²Kundarari nuwaa turipingaranaya. Basanshuch wakar upapchir watseenur tamapari ashirusin, nuwaa pachamaam zandkanaya.