9Dios, gúl-laqueza' chiu' da cube, quínnia' da dxúl-lale̱na'. Nen tu da dxínnia' da nua chi du chee̱ na gúl-laqueza' chiu'.
10Nacu' Lue' Bénnea' dxune̱' dxeledxúaj chawe' benne' wenná bea ca'. Dxuseláu' David, we̱n zrin chiu', lu xia nalá chee̱ benne' we̱n da cale̱la ca'.
11Bexa'u neda', ne bselá neda' lu na' benne' zitu' ca', benne' ca' tu dxelenné̱zqueze̱' da we̱n lazre', na' dxuluzétaje̱' Dios gate dxelezí xe̱'e̱.
12Be̱n xelegula bi biu chee̱ntu' ca tu xaga da dxegula chawe', ne zaj nácabe' bi cuide'. Be̱n xelaca bi nu'ula chee̱ntu' ca bdu'a xiaj xrtante̱ ca' da zaj nnita tu lu xu'u zren.
13Be̱n chate̱ lízrentu' xúgute̱ cuen lina chee̱ntu'. Be̱n xelánle̱'e̱ be̱ xixre' chee̱ntu', chee̱ xelácaba' gaxúa gaxúane be̱ xíxre'du ca' lu xe̱zr la xu chee̱ntu'.
14Be̱n xelaca be̱zre chee̱ntu' be̱ wal-la chee̱ xelunba' zrin. Be̱n quebe xelezanba' gate quebe ne zrin cha beu' chee̱ba' ca'. Be̱n quebe nu cha' cuezre xache' la neza chee̱ntu'.