SALMOS 122:1-8

¹Bebéḻenla' tẕen benne' ka' góžgake' neda': “Le cho'o ḻo yodo' che X̱anžo Dios.”

²Na'a zoažo nga. Zežo lo'ole ze'e da' nyechjlen yež Jerusalén.

³Jerusalén naken to yež da' béngake', na' naken x̱tanḻe'e, na' že'ḻe'en chawe'.

⁴Ḻo yežen' za'gak yógo'te kwe' benne' ka', benne' zej nake' che X̱anžo Dios. We ḻáwgake' La la'y che X̱anžo Dios, kan wnnakze' Ḻe' gongak benne' Israel ka'.

⁵Ẕdobgak benne' ka' ḻo yežen' nich wchi'a ḻáže'gake' benách Israel ka' benne' ka' zej nbabe' ẕa'só Dabí, bennen' wnná bi'e.

⁶Le nnable Dios wka'ne' chawe' benne' Jerusalén ka'. Ḻe' gon chawe'e benne' ka' zej nži'ile' yežen'.

⁷Ẕnnablto'-ne' gone' ga soa yeḻa' ẕga'n chawe' lo'ole ze'e dan' nyechjlen yež Jerusalén. Gon chawe'e benne' ka' zej yoe'e yo'o ẕen ka' chen.

⁸Na'a, dan' nži'ila' bi' ljéža'do' ka', na' lježa' ka', ẕnnia': “Gata' yeḻa' ẕga'n chawe' chele ḻo yež Jerusalén.”